Ish-Ministri teknik i Partisë Demokratike, Dritan Demiraj është rikthyer si kolonel në Forcat e Armatosura.
Gjykata i ka dhënë të drejtë duke e rikthyer në detyrë. Ai u largua nga FA në vitin 2014 nga ish-ministrja e Mbrojtjes, Mimi Kodheli. Përmes një statusi në Facebook Demiraj shkruan se “E drejta vonoi, por u vu në vend”.
“Të nderuar miq!
Sot me rastin e rikthimit si kolonel aktiv në FA, kam dëshirë të ndaj me ju disa mesazhe.
Ju falenderoj përzemërsisht, emër për emër, për vëmendjen, solidaritetin dhe mbështetjen që me keni dedikuar në betejat institucionale, morale dhe gjyqësore për t’u rikthyer në shërbimin aktiv të FA të RSH.
E drejta vonoi pak, por më në fund u vu në vend. Këtu nuk ka vend as për triumfalizëm por dhe zero arrogancë nga ana ime.
Do të ishte e padrejtë të mos shprehja mirënjohjen time për MM zonjën Olta Xhacka, për qasjen dhe adresimin shtetar të rastit tim.
Me këtë rast ju siguroj se “si ushtar i atdheut” do të vijoj të kontribuoj me profesionalizëm, përkushtim, përulësi dhe përgjegjshmëri në dobi të mbrojtjes dhe prosperitetit të mbarë kombit.
Artdheu, Detyra dhe Nderi do të mbeten pasaporta e vetme deri në fund të jetës sime.
Kolonel DD, PhD (Nderi i Kombit)“, ka shkruar Demiraj.
