Avokati italian Gianni Ferriero pezullohet nga urdhri deri në vitin 2025 për shkak të abuzimit me detyrën e tij. Ai është tashmë në bankën e të akuzuarve ndërsa seanca paraprake është caktuar për datën 14 shkurt. Në moshën 47-vjeçare, ai pezullohet nga urdhri i avokatit deri në vitin 2025 për problemet me drogën e shitur te një çift klientësh të tij në burg dhe për Jaguar-in e marrë me qira që u gjet në flakë pasi e kishte raportuar të vjedhur.
Burgu është vendi ku fillojnë hallet e tij ligjore, si avokat. Kur u arrestua më 23 shkurt 2021, Ferriero sapo i dha një qese kokainë 0.49 gram klientit të tij Artan Aliaj.
Kamerat në dhomën e intervistës filmuan shtrëngimin e duarve të tyre për kalimin e drogës. Shqiptari me banim në Fontanella, Artan Aliaj është një klient “ekselent” në mënyrën e tij, i konsideruar në atë kohë si kreu i “Antegnate group” për drogë dhe armë. Me një episod në vitin 2019 që la gjurmë në Treviglio, në kuptimin e vërtetë të fjalës. Muri i jashtëm i ish-klubit të natës Charleston është ende i copëtuar nga disa të shtëna me automatik të qëlluar nga ai që konsiderohet nënkryetari i grupit, i cili u kthye i armatosur në klub pasi u refuzua në hyrje. Janë çështje në të cilat Ferriero nuk ka të bëjë fare, përveç faktit që në një moment rruga e tij si avokat kryqëzohet me atë të shqiptarëve.
Para GUP-it ai do të duhet të përgjigjet edhe për transferimin e të paktën një doze te një klient tjetër i tij shqiptar, në këtë rast data nuk është e saktë, por prokurori Emanuele Marchisio kufizon periudhën midis 16 prillit dhe 3 qershorit 2020. I asistuari në fjalë është Arbër Shabani, 39 vjeç, banues në Fara Olivana, i cili në këtë seancë akuzohet për katër transferime heroine nga 50 gramë secila, në gusht 2020. Po ashtu ai akuzohet edhe për një dozë droge ndaj një tjetër shqiptar Saimir Qallija, nga Kremona.
