Besmir Uka 35- vjeç është personi i cili u plagos me thikë, pas një sherri në një lokal në Sarandë, ngjarje e ndodhur orët e para të mëngjesit të sotëm. Pas përleshjes, autori është larguar nga vendi i ngjarjes, ndërsa Uka ka shkuar në spital për të marrë ndihmën mjekësore. Gijotina.com raporton se 35- vjeçari ka marrë plagë të rënda në bark dhe i është nënshtruar një operacioni kirurgjikal.
Nga hetimet e deritanishme, rezulton se emri i të plagosurit nuk është i panjohur për policinë dhe drejtësinë shqiptare. Uka rezulton i dënuar më parë për “vrasje ne kushtet e vetëmbrojtjes” për një ngjarje të ndodhur në vitin 2010, madje gjatë kohës që ndodhej në burg është proceduar penalisht pasi është denoncuar nga një 16 vjeçare se e kërcënonte përmes mesazheve në Facebook.
Kujtojmë se sherri mes Ukës dhe autorit, identiteti i të cilit nuk është bërë ende publik, ka ndodhur në një lokal në lagjen nr.3. në Sarandë.
Policia pritet të dalë me një njoftim zyrtar për të zbardhur detaje nga ngjarja.
