U përfol se në sherrin që ndodhi mbrëmë pas emisionit ‘Open” të Eni Vasilit mes Ralf Gjonit dhe Ervin Salianjit, nuk munguan as shuplakat mes tyre.
Lidhur me këtë sherr ka reaguar pak minuta më parë deputeti i LSI-së Gjoni.
Statusi i Plotë i Ralf Gjonit:
IDETË NË PARLAMENT – MUSKUJT NË RRUGË!
Çdo ditë që kalon po ma forcon bindjen se Shqipëria ka nevojë për një platformë të vërtetë politike kombëtare, dalë nga vota e lirë dhe e barabartë e shqiptarëve. Politika nga platformë idesh në parlament është kthyer në platformë muskujsh në rrugë.
Shqipëria ka nevojë më shumë se kurrë për një kastë të re e të pastër politike që e do këtë vend. Shqiptarët kanë nevojë dhe kërkojnë një projekt të pavarur politik bazuar mbi ide, vizion dhe angazhim konkret për t’i dhënë zgjidhje problemeve reale të tyre.
Kjo vjen vetëm përmes ndryshimit të sistemit zgjedhor e përfaqësimit dinjitoz, dhe ne këtë axhendë të panegociueshme do shtyjmë në parlament!
