Mëngjesin e djeshëm një 26 vjeçar ka rënë në prangat e policisë italiane pasi i është sekuestruar një sasi rekord droge.
Shqiptari me iniciale L.R është arrestuar teksa po ngiste me shpejtësi një makinë në Famagosta në Milano. Në fillim shqiptari nuk iu bind urdhërit të ndalimit por pas një ndjekje nga policia ai është arritur të ndalohet.
Pas kontorlleve në automjetin që ngiste shqiptari janë gjetur çanta të mëdha të zeza, brenda të cilave kishte pako të mëdha me marijuanë me një peshë totale prej 240 kg. Por policia nuk u ndal me kaq pasi bëri një kontoll në një garazh që rezulonte të ishte marrë me qira nga 26-vjeçari shqiptar. Garazhi ishte në rrugën “Pestalozzi” ku karabinierët gjetën çanta të tjera të mbushura me marjuanë, pesha e të cilëve shkonte rreth 215 kg.
