Ndërron jetë teksa transportohej nga qyteti i Pogradecit me Autoambulancë 88-vjeçarja e konfirmuar disa ditë më parë me Covid-19.
Mësohet se e moshuara ka pësuar arrest kardiak dhe ka ndërruar jetë në ambulance.
Abcnews.al ka siguruar skedën e vdekjes së të moshuarës në të cilin cilësohet edhe shkaku i vdekjes “suspect covid”.
Mësohet se 88-vjeçarja ka humbur jetën mbrëmjen e djeshme gjatë transportimit drejt “Spitalit Infektiv” pasi gjendja e saj ishte rënduar.
Trupi i 88-vjeçares është dërguar në Morgun e qytetit të Elbasanit.
Mbetet për tu parë nëse në raportimin e ditës së sotme Ministria e Shëndetësisë, do të llogarisë vdekjen e të moshuarës në bilancin total të viktimave nga koronavirusi në Shqipëri.
Deri më tani në Shqipëri kanë ndërruar jetë 107 persona, ndërkohë që numri i të prekurve aktivë është thuajse 1500 persona. /abcnews.al
