Një tjetër shqiptar që trafikon drogë në Itali është kapur nga karabinierët e komandës provinciale të Perugias.
Për arsye hetimore identiteti i shqiptarit nuk është bërë publik ndërsa mësohet se ai ishte dëbuar nga Italia dhe ishte kthyer në mënyrë ilegale, ndërsa sot është vënë në pranga.
Droga e sekuestruar nëse do të dilte ne treg do të kishte një vlerë prej 60 mijë eurosh.
Blloku me shënime
Të dielën pasdite, siç njofton komanda provinciale e Perugias, ushtria bllokoi një automjet pas një ndjekjeje të shkurtër, Në makinë ndodheshin 2 persona, njëri prej të cilëve (shqiptari) u shfaq mjaft nervoz
Gjatë kontrollit iu gjet 11 gram kokainë të cilën e kishte fshehur në pantallona dhe 1300 euro cash. “Kërkimi, shpjegojnë karabinierët, bëri të mundur edhe gjetjen e dy palë çelësave që i atribuohen 2 shtëpive.”
Në shtëpinë e parë, ku shqiptari jetonte me gruan, hetuesit zbuluan para të tjera të fshehura në mobiljet e dhomës së ndenjes dhe një bllok me të gjitha aktivitetet e shitjes me pakicë të drogës, sipas medieve italiane.
Në shtëpinë e dytë, të pabanuar, por të përdorur si laborator, ruhej një sasi prej rreth 8 kilogramësh marijuanë, tashmë e ndarë në pako dhe e destinuar për tregun. Droga me pakicë do të kishte dhënë rreth 60,000 €.
Shqiptari, i dëbuar i dëbuar nga territori italian me ndalim të rihyrjes deri në vitin 2031, tani ndodhet në burgun e Perugias.
