Dy pallate në rrugën “Aleksandër Goga” në Durrës janë shembur këtë të hënë, në kuadër të rindërtimit pas tërmetit të 26 nëntorit.
Bëhet me dije se pallatet 5-katëshe në lagjen nr. 18 ishin dëmtuar nga tërmeti i 26 nëntorit dhe në zbatim të ekspertizave të thelluara të hartuara nga Instituti i Ndërtimit në Tiranë, do të prishen.
Në këtë aksion është angazhuar IKMT dhe IMTV në bashkëpunim me Policinë Bashkiake Durrës . Ndërkohë në lidhje me këtë vendim, policia bën me dije se ka marrë të gjitha masat e sigurisë ndërsa kërkon mirëkuptimin e banorëve të objekteve që do shemben që të largohen nga godinat.
