Policia greke ka arrestuar paraditen e sotme në Athinë shtetasin shqiptar Albiano Xhezairi që u arratis nga burgu i Avlonës.
Ndërkohë ende në arrati ka mbetur shoku i tij sirian, dënuar me 7 vjet burg për futjen kontrabandë të refugjatëve.
Xhezairi, që konsiderohet se bën pjesë aktive në atë që quhet Mafia e Koridhalos, bashkë me 21-vjeçarin sirian, u arratisën mbrëmjen e së hënës në orën 21:40.
Albiano Xhezairi është dënuar me 16 vjet burg në Greqi për trafik droge dhe si pjesë e një grupi kriminal. Ai transportonte drogë në kufirin Shqipëri-Greqi derisa u kap në maj të vitit 2017 në Athinë.
Ai gjithashtu është person i kërkuar në Shqipëri për vrasjen e Aleksandër Bardhit në Shëndelli të Sarandës në vitin 2016.
