Nga Aleksandër Biberaj
Turp i madh! Presidenti i Kosovës, hashim Thaçi hyn ilegalisht në Shqipërisë dhe del pas një ore po ilegalisht nga Shqipëria, duke i shërbyer si “bodyguard” i një pasagjeri tjetër ilegal, ish-Presidentit të shkarkuar të Kosovës, Behgjet Pacollit!
Të dashur miq,
Siç është bërë tashmë e njohur nga Policia e Kosovës, mbrëmë rreth orës 18:00 Presidenti i Kosovës, Hashim Thaçi ka hyrë ilegalisht në territorin shqiptar duke shkelur protokollin e shtetit, por edhe rregullat e qarkullimit në kushtet e pandemisë. Ai ka qëndruar për rreth një orë në territorin shqiptar dhe është kthyer në Kosovë si shoqërues i pasagjerit ilegal në makinën e tij me xhama të zinj për ish-Presidentin, Behgjet Pacolli duke u bërë bashkëpunëtor dhe bashkëfajtor në veprën penale të kalimit të paligjshëm të kufirit nga ana e Behgjet Pacollit.
Imagjinoni të dashur miq se sa poshtë ka rënë autoriteti i drejtuesit të shtetit të Kosovës, i cili fut në mënyrë të paligjshme/ilegalisht në Kosovë Behgjet Pacollin, me qëllim që të ai votojë qeverinë e jashtëligjshme dhe anti-kushtetuese të Hashim Thaçit.
Zoti e ruajtë Kosovën dhe popullin e Kosovës nga këta njerëz që s’pyesin për asnjë lloj kushtetute, ligji, rregulli etike apo morali!
