Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Tryeza për “Reformën zgjedhore”, PD pranon sërish ftesën e OSBE-së

Nga Ejona 0

Partia Demokratike dhe Partia Socialiste do të ulen sërish së bashku në një tryezë për reformën zgjedhore. Vizion Plus raporton se opozita ka pranuar ftesën e OSBE dhe të martën do jetë e pranishme në tryezë.

Tryeza do të ketë në fokus financimin e partive politike dhe fushatës zgjedhore. Ajo do jetë tryeza e dytë që OSBE dhe komisioni i posaçëm për reformën elektorale organizojnë për ndryshimin e kuadrit ligjor për zgjedhjet.

Ashtu si ne tryezën e parë, sërish Partia Demokratike do të përfaqësohet në nivel teknik në këtë takim, duke treguar vullnetin e saj për realizimin e reformës zgjedhore.

Ndryshe nga masat e propozuar nga komisioni parlamentar për transparencën e financimit të partive politike, opozita kërkon që shpenzimet e partive në fushatë të mbulohen në masën 100% nga shteti, duke nxjerrë jashtë loje financimet private. Por në këtë situatë nuk janë zgjidhjet teknike ato që ndajnë palët.

Partia Demokratike ka deklaruar se nuk e njeh Komisionin e Posaçëm Parlamentar duke kërkuar që reforma të realizohet nga PS e PD me praninë e ndërkombëtarëve. Ky kusht ka bërë që të dy kampet të punojnë paralelisht për reformën elektorale, secila me ekspertët e saj.

Por edhe pse ende nuk ka shenja kompromisi, mazhoranca e dha shenjën e parë të tërheqjes ditën e premte. Shumica hoqi dorë nga angazhimi për të miratuar reformën zgjedhore brenda këtij viti, duke shtyrë afatin e komisionit.

Tashmë të dy palët kanë kohë deri në fund të muajit shkurt për të realizuar një reformë zgjedhore konsensuale.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej