Donald Trump deklaroi se nuk do të marrë pjesë në një debat virtual me të nominuarin demokrat Joe Biden, raporton BBC.
“Unë nuk do ta harxhoj kohën time në një debat virtual,” shtoi presidenti.
Komisioni për Debatet Presidenciale deklaroi të enjten në mëngjes, një javë para debatit të dytë presidencial në Miami, se debati i ardhshëm presidencial mes Donald Trump dhe Joe Biden, do të mbahej virtualisht. Trump tha se komisioni nuk e informoi atë se debati do të zhvillohej virtualisht para se të bënte publik njoftimin.
Presidenti u diagnostikua me koronavirus një javë më parë dhe pavarësisht infektimit me Covid-19, ai deklaroi se do të merrte pjesë në debatin presidencial.
Biden, nga ana tjetër tha se ai nuk do të pranonte të ishte pjesë e debatit për sa kohë që presidenti ishte ende i sëmurë. Presidenti njoftoi të enjten se rezultoi pozitiv me Covid-19 ndërsa të premten ai u shtrua në spital.
