Pas sulmit terrorist të së martës në Nju Jork, presidenti Donald Trump i bëri thirrje Kongresit t’i japë fund Lotarisë Amerikane.
Pas komenteve të bëra në rrjetin social “Twitter”, Trump e njoftoi vendimin edhe në një konferencë për shtyp.
“Po filloj sot procesin e eliminimit të programit të Lotarisë Amerikane. Do t’i kërkoj Kongresit të nisë menjëherë punën për t’i dhënë fund këtij programi. Lotaria e diversitetit tingëllon mirë, por nuk është diçka e mirë. Nuk ka qenë diçka e mirë. Ne kemi qenë kundër”, tha Donald Trump.
Trump bëri thirrje për masa më të rrepta emigracioni mbështetur në një sistem meritash, në rrjetin social “Twitter”, duke pohuar se së shpejti do t’i jepnin fund çmendurisë.
