Jonida Maliqi është përlotur, teksa përballej me sfidën “Djemtë e jetës sime” në “E ardhmja është vajzë” në ABC.
I pari që tha fjalë zemre për miken e tij ishte stilisti i mirënjohur Ardi Asllani. Videomesazhi i tij e bëri të qeshë dhe të flasë për marrëdhënien e tyre të veçantë, por nuk e dinte që më pas do përlotej.
Me shumë emocione, babai dhe djali i saj dërguan mesazhe zanore që Jonida nuk i priste aspak.
Duke njohur mirë të atin që nuk do të mund të realizonte një video, pasi ashtu si ajo, është njeri shumë emotiv dhe i ndjeshëm, u surprizua tej mase, teksa dëgjonte zërin e tij. Surprizat për të u mbyllën me fjalët e të birit që i thoshte se e do shumë.
