Gjatë konferencës së fundvitit të Kryeministrit Rama nuk mbeti pa rënë në sy një deklaratë e tij që nisi si ironike, por la shteg interpretimi mbi mesazhin që po u dërgonte atyre që mund të ngrenë krye, përfshirë këtu Erjon Veliajn.
Deklarata e kryeministrit i kapërceu tonet e ironisë së zakonshme, me të cilën ai përcjell ngjarjet e ditës, aludimet, replikat apo deklaratat e ndryshme.
Disa orë më vonë Kryebashkiaku Veliaj shfrytëzoi minutat e fundit të 2018-ës në Sheshin Skënderbej, jo vetëm për mesazhin e thjesht festiv. Erjon Veliaj i mëshoi bashkimit si për të treguar se cila është forca e një Kryebashkiaku.
Ky nuk është vetëm momenti i nisjes së një viti të ri, 2019-a nis si vit elektoral dhe Veliaj kërkon konfirmimin e kandidaturës së tij.
2019-a e gjen baba dhe Veliaj nuk mungoi të çmonte risinë që vjen me çeqet për bebet. Por, ka një një diferencë nga viti 2018. Këtë herë ai nuk vizitoi bebet e para në maternitetit. Eksluzivitetin e shpërndarjes së çeqeve e morën Kryeministri Rama dhe ministrja Ogerta Manastirliu.
https://a2news.com/2019/01/01/tranzicioni-2018-2019-si-kuptohen-rama-dhe-veliaj/?fbclid=IwAR2GfL3AHL5BjvgQa23vrQMmY7jE_OA7A9lSW7n8VB91BQWSBW_V4jDky5o
