Policia Kufitare e Shkodrës ka arrestuar tre persona pasi u kapën me 25 kilogramë kanabis sativa në autobusin e linjës Shkodër- Pistoja Itali.
Të arrestuarit janë: Aleksander Kronaj , 29 vjeç, banues në Bardhaj,Shkoder, Zef Perndoj, 56 vjeç, banues në lagjen “3 Herojt” Shkodër dhe Agostin Arra, 60 vjeç, banues në Pistoja Itali.
Arrestimi i tyre u bë pasi, gjatë kontrollit të detajuar, të ushtruar në vijën e dytë nga shërbimet e Policisë Kufitare, autobuzit të linjës Shkodër – Pistoja Itali me drejtues Aleksandër Kronaj dhe shofer i dytë shtetasi Zef Perndoj dhe në pronësi të shtetasit Agostin Arra , në bagazh në krahun e shoferit në një kuti metalike me përmasa 80 x 85 x 20 cm u gjetën dhe u sekuestruan në cilësinë e provës materiale 25 kg s Cannabis Sativa.
Lënda narkotike kishte si destinacion Italinë. Materialet proceduriale iu referuan për veprime të mëtejshme, Prokurorisë të Krimeve të Rënda Tiranë, për veprën penale: “Trafikimi i narkotikëve i kryer në bashkëpunim” i parashikuar nga neni 283/a/2 e 22 i Kodit Penal.
