Një ngjarje e rëndë u raportua sot në Selanik. Burime bëjnë me dije se një 58-vjeçar me origjinë shqiptare ka ndërruar jetë këtë mesditë në spitalin Papanikolaou.
Mësohet se emigranti shqiptar ishte shtruar në spital prej nëntë ditësh, pasi kishte pësuar një incident në punë.
Mediet greke raportojnë se shqiptari kishte pësuar djegie të rënda në të gjithë trupin, si pasojë e shpërthimit të një bombole gazi në vendin e punës. Incidenti në punë ndodhi më 29 shtator.
Viktima punonte në një vendgrumbullim makinash të vjetra, ose siç njihet ndryshe varrezë makinash.
