Një aksident i rëndë i ka marrë jetën një 20-vjeçari shqiptar në Itali. Mediat italiane bëjnë me dije se viktima është 20-vjeçari i quajtur Kaizer Alizoti, i cili po udhëtonte me motor kur u përplas me një furgon.
Aksidenti tragjik mësohet se ka ndodhur midis Borgonovës dhe Pianellos, ndërsa për shkak të përplasjes së rëndë i riu shqiptar humbi jetën në vendin e ngjarjes.
Gjithashtu, lidhur me ngjarjen raportohet se i riu 20-vjeçar, i cili banonte në Castelnovo, po shkonte për në punë kur u përfshi në aksident.
Së fundmi, mësohet se mjekët që shkuan për ta ndihmuar nuk mund të bënin asgjë për të riun me origjinë nga Shqipëria. Ndërkohë, policia italiane po rindërton skemën e aksidentit për të zbardhur dinamikën e ngjarjes.
