Banorë të Thumanës dëshmojnë se disa nga banesat që u shemben apo dëmtuan ishin shpallur të pabanueshme që pas tërmetit të një viti më parë.
Kërkesa e banorëve tashmë nuk është restaurimi i pallateve por shembja e tyre dhe ndërtimi sipas rregullave. Në të kundërt kanë vendosur të mos kthehen më në Thumanë.
Riparimet e planifikuara për pallatet e vjetra në Thumanë kanë sjellë reagimet e ashpra të banorëve të cilët ankohen se shkak për tragjedinë me 51 viktima ishte pikërisht restaurimi i pallateve të pabanueshme.
Asnjë nga zonjat e strehuara në Shengjin pas tërmetit nuk pranon që të rikthehet më në këto objekte.
“Nuk futemi dot brenda, do të rrimë jashtë. Do dalim me qera, do kërkojmë botën, kemi frikë të hyjmë brenda, po ta shohësh pallati është i këputur në mes”, shprehen ata për ABC News.
Shembja e këtyre objekteve të vjetra sipas banoreve të Thumanës duhet të jetë e vetmja zgjidhje që mund t’ju japë me shumë siguri për jetët e tyre.
