Nga Ahmet Zani
Tre fëmijë prej tre vitesh janë pa prindërit e tyre biologjik prej ngjarjes së rëndë e ndodhur ndërmjet bashkëshortëve.
Mateo 12 vjeç, Jozefi 10 dhe Renata gati 6 vjeç janë nën përkujdesjen e gjyshërve në fshatin Derven të Krujës, fill pas largimit nga jeta e nënës së tyre nga vrasja makabre e bashkëshortit tre vite më pare, ngjarje e ndodhur në Mamurras. 
Dy djemtë Mateo dhe Jozefi janë në dijeni për ngjarjen, ndërsa vajza Renata nuk ka arritur të njohë asnjërin nga prindërit. Vajza është me sindromin down dhe kjo rëndon më së shumti gjyshërit, prindërit e nënës së tyre, ndërsa babai ndodhet prapa hekurave duke vuajtur dënimin për krimin që kreu duke i marrë jetën bashkëshortes Valbona, vetëm 27 vjeç.
Viktori dhe Tale Gjokeja tashmë janë prindërit e tre fëmijëve pas humbjes së nënës së tyre dhe makthi nga rritja e të miturve është kjo vajzë.
“Asgjë nuk kërkojmë nga shteti, por vetëm të sigurojnë një qendër sociale për Renatan, e cila mund të bëjë një jetë normale, nëse i ofrohen mundësitë e trajtimit me punonjës social”.
Tale gjyshja tregon vështirësitë e saj në rritjen e mbesës, por i bën thirrje institucioneve që të hedhë sytë edhe nga kjo vogëlushen bonjake nga Fushë Kruja.
