Gjykata e Posaçme kundër Korrupsionit e Krimit të Organizuar (GJKKO) ka lënë në burg gjashtë persona të akuzuar për trafikimin e automjeteve të vjedhura nga Kosova në Shqipëri, mes të cilëve dy punonjës policie.
Gjykata nuk pranoi kërkesën për zbutje të kësaj mase të bërë nga efektivët e policisë Vojsava Doda e Endi Ahmetaj dhe të dyshuarit e tjerë Selaudin Shahini, Aurel Shatri, Ndriçim Shahini dhe Ervis Cara. Ata akuzohen për “trafik të mjeteve motorike” dhe “grup të strukturuar kriminal”.
Ata akuzohen se janë pjesë e një grupi kriminal që merrnin targa shqiptare dhe ua montonin mjeteve të vjedhura në Kosovë për t’i kaluar në kufi.
