Policia greke ka arrestuar dy shtetas pasi akuzohen për transportimin e një sasie kanabisi.
Arrestimi ndodhi kur shtetasit 15 dhe 41 vjeç po ecnin me këmbë në rrethinat e Kozanit, në pjesën veriore të vendit.
Në çantën e shpinës që kishin me vete u gjetën 10 paketa me kanabis, me peshë të përgjithshme 9,8 kilogramë, që e kishin sjellë nga Shqipëria.
Sipas policisë, të dy ata kishin hyrë në mënyrë të paligjshme në Greqi, ndërsa ndaj 41 vjeçarit ishte shpallur më herët masa e ndalimit të hyrjes në zonën Shengen.
