Policia italiane ka arrestuar 3 persona dhe 6 të tjerë janë vendosur në “arrest shtëpiak”, mes të cilëve edhe shqiptarë.
Arrestimi i tyre është bërë në Messina, ndërsa grupi transportonte lëndë narkotike nga portet shqiptare drejt Puglias dhe Messinës në Itali.
Gjatë operacionit janë sekuestruar 5 kg hashash dhe 50 gram kokainë. Grupi drejtohej nga një grua bashkë me 2 vëllezërit e saj, ndërsa identiteti i të arrestuarve ende nuk bëhet i ditur.
Policia njofton se droga e trafikuar kap vlerën e rreth gjysmë milioni euro.
