Kreu i Partisë Socialdemokrate, Tom Doshi ka sfiduar në radhë të parë ambasadoren Yuri Kim, por edhe kundërshtarët e tjerë duke deklaruar që partia e tij ka arritur të marrë tre mandate pa patur militantë, struktura apo patronazhistë.
Doshi thotë se 35 mijë vota në të gjithë Shqipërinë nuk janë pak duke nënkuptuar që këta votues kanë shpresë se PSD dhe Tom Doshi do e çojnë zërin e tyre në parlament.
Në një festë të organizuar në Shkodër, ku nuk është pyetur aspak për masat anti-COVID ai e mbylli fjalën e tij duke thënë: “Mundem me ju sigurue nji gja: edhe në mos ia paça zgjidhë problemet secilit prej tyne, ta dini që hallet e tyne kanë depërtue në zemrën teme e ajo çka baj përditë në politikë asht e ndikume vetëm prej tyne. Ashtu siç asht në karakterin tem, asnji prej tyne nuk do të jetë qytetarë i klasit të dytë për Tom Doshin…”.
