Tom Doshi vendos të sfidojë thirrjen e ambasadores amerikane, Yuri Kim e cila kërkoi dy ditë më parë që ai të mos kandidonte në zgjedhjet e 25 prillit.
Mësohet se sot ai ka depozituar pranë Komisionit Qendror të Zgjedhjeve kërkesën për tu bërë pjesë e garës më 25 qershor. Doshi ka kërkuar të regjistrohet në statusin e kryetarit të PSD (Partia Social Demokrate).
Me anë të një statusi në Twitter, dy ditë më parë, ambasadorja Kim ka rikthyer deklaratën e Departamentit Amerikan të Shtetit, i cili vendosi në “listën e zezë” deputetin e Partisë Social Demokrate, Tom Doshin.
Doshit iu refuzua viza për në SHBA në vitin 2018. Teksa ka shpërndarë deklaratën e vitit 2018, Kim shkruan se ia vlen të kujtohet njoftimi i DASH, duke shtuar se votuesit shqiptarë meritojnë më shumë se kaq.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky paralajmërim i bërë nga Sekretari i Shtetit në SHBA-së pas shqyrtimit të kujdesshëm të informacionit. Me siguri, votuesit e Shqipërisë meritojnë më shumë,”-shkruan ajo.
