Një tjetër sulm me thikë ka ndodhur këtë të enjte në Francë, ku si pasojë kanë humbur jetën 3 persona dhe janë plagosur disa të tjerë.
Ngjarja ka ndodhur brenda një katedralje në Nicë të Francës, ku paraprakisht dyshohet për një sulm terrorist. Si pasojë e sulmit kanë humbur jetën tre persona mes të cilëve dy ju është prerë koka. Një nga viktimat sipas mediave është një 70 vjeçar, ndërsa nuk ka informacion në lidhje me viktimat e tjera.
Përmes një postimi në Twitter, kryebashkiaku i qytetit, Christian Estrosi, e ka cilësuar sulmin në katedrale terrorist.
“Unë konfirmoj se gjithçka që ndodhi mund të jetë një sulm terrorist në Bazilikën e Notre-Dame de Nice”, shkruan ai.
Policia ka bërë të mundur arrestimin e autorit identiteti i të cilit nuk bëhet i ditur.
