Të paktën katër persona kanë humbur jetën dhe mbi 20 të tjerë janë plagosur pas një sulmi me armë zjarri në një shkollë të mesme në provincën jugore të Kahramanmaraş në Turqi, raportoi transmetuesi NTV.
Guvernatori i zonës, Mükerrem Ünlüer, bëri të ditur për mediat se mes viktimave ndodhet edhe një mësues.
Sipas autoriteteve, autori i sulmit ka qenë një nxënës i klasës së 8-të, i cili ka përdorur armët e babait të tij për të kryer sulmin. Ai i kishte fshehur armët në një çantë shpine dhe ka hapur zjarr brenda ambienteve të shkollës.
Guvernatori konfirmoi gjithashtu se autori ka humbur jetën pas ngjarjes.
Autoritetet lokale kanë nisur hetimet për të zbardhur plotësisht rrethanat dhe motivet e sulmit.
