TIRANË– Janë neutralizuar flakët në pallatin pranë zonës së Freskut.
Deri më tani janë evakuuar disa banorë, ndërsa 3 prej tyre janë dërguar në spital për për shkak të asfiksimit nga tymi. Gjendja e tyre shëndetësore nuk është shqetësuese, megjithatë do t’i nënshtrohen një kontrolli mjekësor.
Një nga banoret e zonës ka treguar se në momentin që ka rënë zjarri një çift ka dalë me vrap zbathur, duke lënë gjithçka brenda përveç maces. Ajo tregon se gjatë gjithë ditës kishte ardhur era gaz, çka dyshsohet të ketë sjellë zjarrin në katin e dytë.
“Vetëm në shkallë kishte tym se te penxheret e mia jo. Zjari ra para. Te apartamenti kur ra zjarri ishte vetëm një çift dhe e kanë me qira shtëpinë, dhe macen e kishin marrë në dorë, telefonat i kishin lënë të gjitha, zbathur kishin dalë të dy. Ajo tjetra lartë kishte bombol, vinte era gaz gjithë ditën në shkallë. S’ua vuri veshin asnjë. Shyqyr që ishte me kaq”, tha ajo.
