Një ngjarje tragjike ka ndodhur këtë të enjte në periferi të Tiranës, ku një punëtor ka humbur jetën, teksa shkarkonte paleta xhami.
Ngjarja e rëndë ka ndodhur në fshatin Bërxullë, në ambientet e një firme private.
Më konkretisht 30-vjeçari A.P., banues në Durrës, duke shkarkuar një paletë me xhama, është aksidentuar duke marrë dëmtime të shumta. Por pavarësisht tentativave për ti ardhur në ndihmë, ai ka ndërruar jetë rrugës për në spital.
Lidhur me këtë rast materialet iu referuan Prokurorisë së Tiranës për ngjarje aksidentale.
