Pak ditë më parë një foshnjë e braktisur është gjetur pranë fshatit SOS në Tiranë.
Lajmi u përhap me shpejtësi në rrjetet sociale dje, ku historinë tragjike e tregonte një zonjë, ndërsa kishte postuar edhe një foto ku shihej djali i vogël, që ushqehej me biberon nga gruaja që e kishte gjetur.
Lidhur me këtë ngjarje është bërë edhe denoncimi ndërsa po punohet për identifikimin e nënës dhe babait të foshnjës.
Aktualisht foshnja (djalë), fatmirësisht në një gjendje të mirë shëndetësore, është strehuar në shtëpinë e fshatit SOS.
