Gjatë një operacioni të koduar “BBM”, pasditen e sotme policia antidrogë ka arrestuar 5 persona dhe ka sekuestruar 1 kg e 24 gramë heroinë dhe 2 kg e 160 gram kanabis çokollatë.
Operacioni është zhvilluar rrugën “Vangjush Furxhi”, në Tiranë, ku droga u gjet në një mini-market në pronësi të shtetasit Nikolin Merko.
Njëri prej autorëve ka bërë rezistencë, por policia bëri të mundur neutralizimin dhe kapjen e tij.
Të arrestuarit janë:
– Fatjon Bahiti, 27 vjeç, banues në Elbasan
– Abdyl Musagaj, 49 vjeç, banues në Elbasan
– Tomorr Shqezi, 53 vjeç, banues në Tiranë
– Ervin Myftiu, 39 vjeç, banues në Tiranë
– Nikolin Merko, 45 vjeç, banues në Tiranë
Nga veprimet proceduriale të kryera janë sekuestruar në cilësinë e provës materiale:
– 1 kilogram e 24 gramë me lëndë të dyshuar narkotike e llojit Heroinë
– 2 kilogram e 160 gramë lëndë e dyshuar narkotike e llojit Çokollatë Cannabis Sattiva
– 1 automjet i tipit “Alfa Romeo”
– 1 automjet i tipit “Mercedes Benz”
– 12 aparate telefonik
Materialet proceduriale do ti kalojnë Pokurorisë pranë Gjykatës së Shkallës së Parë Tiranë për veprën penale “Prodhimi dhe shitja e narkotikëve në bashkëpunim”, parashikuar nga Neni 283-25 i Kodit Penal.
