Ka filluar paraditen e sotme aktiviteti i organizuar nga përfaqësues të rekordeve “Guinness”, dhe po zhvillohet përpara selive të ministrive në bulevardin “Dëshmorët e Kombit”, në Tiranë. Shumë adoleshentë pjesëmarrës në aktivitet, kanë mbushur bulevardin.
Policia Rrugore e Tiranës ka bllokuar trafikun në disa akse të rëndësishme, në mënyrë që të zhvillohet aktiviteti. Qytetarët këshillohen të evitojnë qarkullimin në drejtim të “Dëshmorëve të Kombit”, ndërsa të bllokuara do të jenë rrugët “Çamëria” dhe “Myslym Shyri”. Bllokimi i trafikut do të vijojë deri në orën 15:00.
