Ministri i Jashtëm Ditmir Bushati mbështet bombardimet e SHBA-së në Siri në bazat ushtarake siriane ku nisi sulmi me armë kimike.
Përmes një postimi në faqen e tij zyrtare në twitter shefi i diplomacisë shqipare shkruan: “Bombardimet amerikane në Siri janë një përgjigje e fortë dhe e nevojshme e Administratës amerikane kundër përdorimit të armëve kimike nga regjimi i Assad-it” .
Sulmi i Sheteve të Bashkuara të Amerikës erdhi pasi forcat ushtarake dhe mbestetësit e Assadit hodhën armë kimike në qytetin e Idlibit ku si pasojë e sulmit mbetën të vdekur 72 persona mes tyre dhe fëmijë si dhe pësuan çrregullime shëndetësore qindra të tjerë.
