Partizani – Tirana është edhe një ndeshje teknikësh. Trajneri Daja ka qenë i suksesshëm në drejtimin e bardhebluve, ku në 16 prezenca në pankinën e bardhebluve ka arritur 11 fitore, por për derbin i ka të kufizuara zgjedhjet. Problemi më i madh është sërish sulmi, ku do t’i duhet të luajë pa një futbollist të specializuar në vijën e parë dhe alternative e vetme mbetet japonezi Fukui. Ndërkohë që në stol janë kthyer Elis Bakaj dhe Erjon Vucaj. I pari ndjen ende dhimbje në kavilje dhe do të jetë thjeshtë një alternativë për disa minuta në rast nevoje, ndërsa mesfushori shkodran është bashkuar me grupin pas një dëmtimi relativisht të gjatë. Ndërsa Agostineli, i cili ka fituar vetëm dy nga pesë ndeshjet në krye të Partizanit vazhdon të tregohet i tërhequr. Fillimisht mendohej se në vijën e parë do të ishte dyshja Raçiç – Sukaj, për ta përdorur sulmuesin serb si “torrë”, por duket se përfundimisht lojtari më i avancuar do të jetë shkodrani, autori i 11 golave, i mbështetur nga Toraso, si dhe nga krahët prej Vilës dhe Mazrekajt të rikthyer, gjithnjë nëse ky i fundit do të dërgohet në fushë që nga minuta e parë.
Kumbulla shënon dhe kthehet në hero te Roma
“Mirëserdhe Marash”. Mediat italiane e vlerësojnë maksimalisht performancën e mbrojtësit shqiptar Marash Kumbulla i cili shënoi sot në minutën 87...
