Prej 4 ditësh qytetarët e Tiranës dalin në protestë kundër rritjes së çmimeve, ndërsa sot thirrjet e tyre po kulmojnë me marshimin e nisur që në orën 11:00. Më mijëra qytetarët kanë dalë sot në protestë, shumë kanë ardhur nga rrethet dhe kërkojnë uljen e çmimit të naftës dhe të ushqimeve. Qeveria tha dje se Bordi i Transparencës do ngrihet për të vlerësuar çmimet, ndërsa sot ka vendosur qindra trupa të policës, të cilët kanë blinduar Kryeministrinë dhe të gjithë Tiranën. Por, qytetarët sërish nuk ndalen. Ajo që bie në sy është heshtja e kryebashkiakut Erion Veliaj. “Lali Eri” njihet për fjalimet e tij të gjata kur mburret me ndonjë investim që bën në qytet, por kur vjen fjala të përballet me qytetarët, Veliaj fsheh bishtin dhe zhduket.
Njësoj ka bërë në çdo thirrje dhe protestë të banorëve të “5 Majit”, të çilet i la pa shtëpi, njësoj po bën edhe sot para një populli të tërë, të cilët po kërkojnë të drejtën për bukën e gojës dhe kundërshtojnë abuzimin me çmimet nga oligarkët. Kryeministri Edi Rama me “premtime” false theu dje heshtjen, po “Lali Eri”? Nga se ka frikë ai ? Nga qytetarët që kërkojnë të drejtën e tyre? Nga vjedhjet që bënë çdo ditë”
Veliaj po hesht përball popullit që ngrihet në këmbë për çmimin e bukës, ndërkohë vazhdon nga na tjetër planet për të mirëpritur këngëtarin e huaj “Maluma”, për të cilin do paguaj mijëra euro. Erion Veliaj injoron kaq hapur qytetarët dhe çdo ditë mendon se si të zhvillojë koncertin me shpenzime marramendëse, si e si për të zbehur rëndësinë e protestave dhe për të lënë në hije këtë kaos që ka përfshirë vendin tonë.
E pra, si në cdo problem tjetër “Tirana digjet, Veliaj krihet”. Rrugët janë mbushur plot me qytetarë, sheshet gjithashtu, Kryebashkiaku rri e bën sehir. Nuk di të jetë parë në ndonjë vend tjetër të botës ky qëndrim i një personi përgjegjës përballë problemeve të qytetarëve, por tashmë shihet se në Shqipëri ndodh gjithmonë, për aq kohë sa Veliaj i ka “shpatullat e ngrohta”.
