Pak orë para protestës ish-deputetja e Partisë Demokratike, Albana Vokshi u bën thirrje të gjitha grave të bashkohen në protestë kundër kryeministrit Edi Rama.
Në një postim në Facebook, Vokshi shprehet se “Shqipëria po rrëshqet në diktaturë, ndaj të gjithë së bashku do ndalojmë Edi Ramën që burgos politikisht gra, vajza e fëmijë”.
“Shqipëria proteston kundër Kryehajdutit Edi Rama! Sot, gratë dhe vajzat e Shqipërisë bashkohen për Shqipërinë si Evropa! Sot, të gjitha gratë e vajzat do të dalin në protestë, me fëmijët dhe për fëmijët tanë!
Të dashura nëna dhe motra! Shqipëria po rrëshqet në diktaturë. Ne duhet ta ndalim Edi Ramen që po burgos politikisht gra, vajza e fëmijë!
Sot, të gjitha bashkë, përkrah njëra-tjetrës, do te jemi në marshimin e çlirimit të institucioneve nga krimi i organizuar, në ora 20:00 në bulevardin “Dëshmorët e Kombit”. Të jemi bashkë me familjet tona për #Shqipërinë si Europa”, shkruan Vokshi.
