Presidenti i Kosovës, Hashim Thaçi ka deklaruar se do të dorëhiqet nëse në Kuvend nuk votohet për shndërrimin e FSK-së në ushtri.
Gjatë një interviste në emisionin “Debat”, sipas Thaçit, krijimi i ushtrisë së Kosovës po bëhet në koordinim me SHBA dhe BE.
“Askush nuk ka pse të befasohet. Ushtria e Kosovës do të bëhet në koordinim me faktorët relevantë ndërkombëtarë. Kanë qenë të konsultuar dhe të informuar për të gjithë procesin. Më herët janë informuar dhe konsultuar edhe partnerët e koalicionit dhe Kryetari i Kuvendit. Gjithçka është ligjore. Presidenti ka të drejtë të ngrejë çështje. Si komandant suprem i Forcave të Armatosura të Kosovës vlerësoj se kjo çështje duhet të mbyllet njëherë e përgjithmonë. Falemnderoj veçanarisht Kryetarin e Kuvendit të Kosovës, Kadri Veselin”, ka thënë Thaçi.
