Gjatë takimit me homologun shqiptar Ilir Meta në Kosovë, Hashim Thaçi ka prekur çështjen e nënshtetësisë së qytetarëve kosovarë.
“Diskutuam për zhvillimet në rajon. Shqipëria është një mbështetje për Kosovën. Diskutuam me Presidentin Meta për nënshtetësinë e qytetarëve kosovarë”, deklaroi Thaçi.
Presidenti Thaçi kërkoi nga Shqipëria nënshtetësinë për qytetarët kosovarë.
“Kam kërkuar nga Presidenti Meta që kosovarëve, sidomos studentëve dhe biznesmenëve, t’u mundësohet që të kenë nënshtetësi të Shqipërisë, në mënyrë që të lëvizin lirshëm. Këtë e mundëson edhe Kushtetuta e Kosovës edhe ajo e Shqipërisë”, shtoi Thaçi.
