Presidenti i Kosovës Hashim Thaçi tha se Serbia ka në plan të aneksojë një pjesë të veriut të Kosovës, ashtu sikurse Rusia ka aneksuar rajonin e Krimesë në vitin 2014
Gjatë një interviste për agjencisë prestigjioze të lajmeve Reuters, Thaçi u shpreh se “qëllimi i Serbisë është ta përdorë këtë tren, që i është dhuruar nga Rusia, fillimisht për të shkëputur pjesën veriore të Kosovës, dhe më pas për t’ia bashkëngjitur atë Serbisë. Ky është modeli i Krimesë”.
Njësitë policore speciale të Kosovës të shtunën penguan hyrjen e një treni serb i pikturuar me ngjyrat kombëtare të Serbisë dhe në të shkruhej “Kosova është Serbi”, i cili synonte të mbërrinte në Mitrovicë.
