Presidenti i Kosovës, Hashim Thaçi, ka thënë se takimi i sotëm në SHBA do të shënojë fazë të re të marrëdhënieve bilaterale ndërmjet Kosovës dhe SHBA-së. Ndërkaq ai ka bërë të ditur për hër të parë si i ka kërkuar Papa Françeskut njohjen e Kosovës si shtet.
Ndërkaq, Thaçi tha në takim me Pencen se do ta kërkojë përfshirjen e drejtpërdrejt të SHBA-së në dialogun Kosovë-Serbi.
“Unë do të kem takim në Shtëpinë e Bardhë me zëvendëspresidentin Pence nga i cili do të kërkojë vazhdimin e mbështetjes amerikane për forcimin e subjektivitetit ndërkombëtar, për zhvillimin ekonomik të Kosovës dhe procesin e integrimeve euroatlantike”, tha Thaçi në një intervistë për RTK-në. Sipas tij me këtë takim është një foksu ndaj Ballkanit. “Mbi 95 përqind e kosovarëve janë për integrim në strukturat euroatlantike”, tha ai.
Presidenti i Kosovës, Hashim Thaçi foli edhe për takimin që ka pasur me Papa Françeskun, me të cilin ka diskutuar për Kosovën dhe rajonin. “Unë i kërkova Papa Franceskut që Vatikani të njohë Kosovën”, tha ai në një intervistë për RTK-në.
Thaçi bëri me dije se ka ftuar Papën që të vizitojë Kosovën. Ai tha se ka marrë mbështetje nga Vatikani për të pasur paqe dhe bashkëpunim të Kosovës me vendet e rajonit.
