Presidenti i Kosovës ka folur ditën e sotme në lidhje me takimet që ka zhvilluar në Uashington.
Presidenti Hashim Thaçi u shpreh ndër të tjera se takimet në Uashington kanë qenë të rëndësishme dhe vendimtare për vendosjen e një marrëveshjeje mes Kosovës dhe Serbisë.
https://www.facebook.com/HashimThaciOfficial/videos/243754203453868/?t=0
Gjatë fjalës së tij, Thaçi u shpreh:
Në këtë kohë kisha planifikuar që të jem në sallë të kuvendit, por, në pamundësi që të ju drejtohem përmes Kuvendit, më lejoni që të ju drejtohem përmes kësaj konference. Çështja të cilën do të informoj ndoshta është më e rëndësishmja për Kosovën në këtë fazë të konsolidimit të shtetit, e kam fjalën për angazhimin e Kosovës e miqve tanë amerikanë për mendësinë e arritjes së paqes përfundimtare Kosovë – Serbi, për procesin e mundësisë për marrjen e njohjes nga Serbia të anëtarësimit të Kosovës në organizatën e kombeve të bashkuara dhe hapjen e perspektivës së sigurt për Kosovën që sa më shpejt të bëhet anëtare e NATO-s.
Duke bërë thirrje për unitet, pasi sipas tij, humbja e kësaj mundësie mund të kete kosto të madhe për Kosovën, Presidenti shtoi se ka mbështetjen e Trump për të arritur dialogun me Serbinë.
Gjithsesi duke u shprehur për Bashkimin Evropian, Thaçi tha se Unioni nuk ka mundur të bindë 5 shtetet anëtare për ta njohur Kosovën dhe se nuk mund ta bindë as Serbinë.
Sipas tij, BE nuk mund të kontribuojë në njohjen e Kosovës nga Serbia, pasi shtoi ai, unioni ka dështuar të bindë shtetet e veta anëtare që ta njohin pavarësinë.
Ai u shpreh:
“Mungesa e unitetit në BE u reflektua edhe në gjasat dhe mundësitë për të arritur një marrëveshje përfundimtare Kosovë- Serbi. BE dhe shtetet anëtare nuk kanë arritur ende të bindin 5 vendet për ta njohur pavarësinë e Kosovës. Ndërsa nuk shihet se ka shpresë që t’i bindin këto vende për ta njohur Kosovën, e lëre më ta bindin Serbinë”
