Kryeministri në detyrë i Kosovës Ramush Haradinaj dhe Presidenti Hashim Thaçi kanë shprehur ngushëllimet për viktimat e tërmetit në Shqipëri ndërsa kanë treguar gatishmërinën e shtetit të tyre për ti ardhur në ndihmë vendit tonë.
Thaçi shkruan se ka telefonuar kryeministrin edi Rama për ti shprehur ngushëllimet dhe përkrahjen e Kosvës ndërsa lajmëron se Forcat e Sigurisë së Kosovës janë nisur drejt zonave të dëmtuara nga tërmeti.
“Sapo fola me kryeministrin Edi Rama, ku u informova për gjendjen pas tërmetit që goditi Shqipërinë.
Kryeministrit Rama, në emër të qytetarëve të Kosovës i shpreha ngushëllimet më të sinqerta për viktimat që pësuan nga tërmeti.
Kryeministrin Rama e sigurova se Kosova do të jetë në mbështetje dhe përkrah Shqipërisë.
Tashmë njësitë përkatëse të Forcës së Sigurisë së Kosovës janë nisur drejt zonave të dëmtuara nga tërmeti. HTH”, shkruan Thaçi
Ndërkohë Haradinaj tjhotë se Kosova është e gatshme t’i ofrojë ndihmën e saj të pakursyer popullit dhe shtetit të Shqipërisë për të tejkaluar këtë situatë të rëndë.
“Me shqetësim po i përcjell lajmet për tërmetet e njëpasnjëshme që goditën Shqipërinë dhe një pjesë të Kosovës gjatë natës. Mendimet dhe lutjet e mia janë me të gjithë qytetarët që pësuan dhe ata që presin me padurim lajme për familjarët e tyre. Kosova është e gatshme t’i ofrojë ndihmën e saj të pakursyer popullit dhe shtetit të Shqipërisë për të tejkaluar këtë situatë të rëndë. Të gjithë të lënduarve shërim sa më të shpejt dhe për ata që pësuan do të jemi në dispozicion të plotë”, shkruan Haradinaj.
