Pasi i dështoi copëtimi i Kosovës, Presidenti Thaçi ka filluar të argëtohet me një ide tjetër atë të bashkimit me Shqipërinë. Thaçi tha se që dy parlamentet duhet t’i aprovojnë deklaratat për bashkim. Sikur të mos ishte frika që ai ka nga Tribunali Special, ndoshta dikush do t’u besonte fjalëve të tij.
Presidenti i Kosovës, Hashim Thaçi ka thënë se derisa Bashkimi Evropian po e diskriminon Kosovën dhe po e vonon të ardhmen evropiane të Shqipërisë, rruga më e mirë dhe më e qëndrueshme aktualisht mbetet respektimi i vullnetit të dy shteteve tona të ndara padrejtësisht, që tash e tutje të jetojnë në një shtet të vetëm, duke bashkuar kombin tonë.
“Bashkimi kombëtar është e drejtë historike dhe vullnet i qytetarëve tanë”, ka thënë ndër të tjera Thaçi.
