Teuta i shkëputet zonës së ftohtë të rënies nga kategoria, pas fitores në sfidën e mbijetesës ndaj Laçit me rezultatin 2-0 duke parakaluar në renditje edhe Tiranën.
Skuadra e Gugash Magani shkoi në pushimin e ndeshjes me avantazhin 1-0 falë golit të shënuar nga Dita në minutat shtesë të pjesës së parë pas një goditje me kokë.
Historia u përsërit në minutën e 85 dhe këtë radhë ishte Markovic ai që tregohet i saktë në tentativën e tij duke shënuar golin e dytë për Teutën, ndërkohë që Laçi e mbylli sfidën me 10 futbollistë pas daljes me karton të kuq të Shalës.
