Një numër i madh testesh për virusin Covid-19 që janë blerë në Kinë nga disa shtete europiane kanë rezultuar defektoze.
Instituti i Shëndetit Publik shqiptar falenderoi sot Kinën duke e quajtur si “një vend i madh dhe me zemër edhe më të madhe” për disa pako dhuratë me teste për koronavirusin.
Por pavarësisht gjestit, faktet kanë treguar se realiteti për testet nga Kina është ndryshe, madje mund të kthehet edhe më të rrezikshëm.
Sllovakia nuk e ka patur “fatin” të marrë teste dhuratë nga Kina. Ata e kanë paguar Kinën plot 15 milion euro për 1.2 milion teste antitrupash që janë jo funksionalë sipas kryeministrit Igor Matovic.
“Kemi tonelata dhe janë të pavlera, duhet t’i hedhim në lumin Danu btë gjitha se nuk bëjnë”, tha ai.
Por ndonëse Matovic mund ta ketë inatin me qeverinë e mëparshme, pasi në atë periudhë u blenë testet, ankesa ka patur nga Madridi deri në Kinë.
Spanja ktheu pas në Kinë plot 500,000 njësi testesh po për të njëjtën arsye. Nuk ishin funksionale.
Këto teste të shpetja janë prodhim i ditëve të fundit nga kompani në mbarë botën, përfshi edhe ato kinezet, ndaj ekspertët thonë se edhe në rastet kur konsiderohen si “funksionale” ka një probabilitet që të mos jenë të tilla.
Në Republikën Çeke, autoritetet e kujdesit shëndetësor dhe disa anëtarë të qeverisë thanë se 300,000 teste të blera në Kinë funksionuan vetëm te pacientët që ishin infektuar për të paktën pesë ditë, ndërsa rreth një e treat e testeve ishin plotësisht jo funksionale.
Turqia nuk tregoi shifra se sa teste ka blerë nga Kina. Zyrtarët thanë se janë me mijëra teste, ngarkesa e parë e të cilave rezultoi të ishin të sakta vetëm në 35% të tyre. Por autoritetet turke njoftuan se i kthyen pas këto teste, dhe i zëvendësuan me prodhim nga disa kompani të tjera sërish kineze, por që tashmë funksionojnë në 95% të rasteve.
Javën e kaluar, gjiganti i telekomunikacionit kinez Huaëei ndaloi dhurimin e maskave për shtetet europaine si Italia, Holanda, Irlanda dhe Polonia, pas një deklarate të kreut të politikave të jashtme të BE-së Josep Borrell.
“Kina po shtyn në mënyrë agresive mesazhin se, ndryshe nga SHBA, është një partner i përgjegjshëm dhe i besueshëm,” shkroi ai në një postim. Kjo, tha ai, do të thotë se është duke u zhvilluar beteja e “politikës së bujarisë”.
