Një ngjarje e rëndë ka tronditur SHBA-në. Të paktën 20 viktima dhe mbi 22 të plagosur janë shënuar gjatë një sulmi me armë zjarri në një qendër tregtare në qytetin El Paso në Teksas.
Zona është blinduar nga forcat e armatosura, duke mbyllur të gjitha bizneset dhe evakuuar banorët. Raportohet se të shtënat me armë kanë zgjatur për më shumë një orë, teksa policia ka shkëmbyer zjarr me agresorët.
Mediat botërore kanë publikuar pamjet e para nga vendngjarja, teksa shihen autorët duke qëlluar me kallashnikovë dhe viktima në tokë.
Ndërkohë, për ngjarjen është vënë në lëvizje edhe Presidenti i SHBA, Donald Trump, i cili ka biseduar me prokurorin e Përgjithshëm dhe Guvernatorin e Teksasit.
