Një tërmet i fuqishëm me magnitudë 6.0 ballë i shkallës Rihter ka goditur Kinën jugperëndimore ditën e djeshme duke lënë të vdekur 12 persona dhe të plagosur 134 të tjerë.
Mësohet se tërmeti u shoqërua edhe nga 62 tronditje të tjera më të lehta. Ndërkohë në vend është shpallur gjendja e emergjencës, ndërsa forca të shumta po punojnë për evakuimin e banorëve.
Sipas CNN më shumë se 4,000 njerëz u zhvendosën pasi dhjetëra banesa u dëmtuan dhe shembën pas tërmetit në provincën Sichuan, në qytetin Yibin.
