Protestuesit e Astirit kanë deklaruar se ata janë paqësorë dhe nuk kërkojnë trazira por anullimin e projektit të Unazës së Madhe.
Në mbështetje të tyre ish-deputeti Petrit Vasili, deklaroi se opozita ju jep fjalën se nëse policia do të afrohet e gjithë Tirana do të bashkohet me protestuesit.
“Ju jeni pëballur këto ditët e fundit me një polici që është kthyer në një bandë hajnash, me një polici që drejtohet nga një gjeneral tradhëtar i popullit të tij, i cili ka zgjedhur të tradhëtojë popullin dhe të bëj paqe me kryehajdutin e Shqipërisë që quhet Edi Rama. Sot nga ky shesh ju japim fjalën të gjithë qytetarëve të Unazës së Re, por edhe një paralajmërim shumë të rreptë dhe shumë të hekurt për policinë. Në çdo sekondë që do të guxojnë të afrohen, e gjithë Tirana është sy pafjetur dhe do të jetë këtu bashkë me ta dhe do nxjerrë të tërë hajnat të shkojnë atje ku e kanë vendin”, deklaroi Vasili.
