Nga Kastriot Dervishi
I moshuari
Teksa rrufit kafenë me nge, flet me djalin që ka në Amerikë, i cili është rregulluar me punë e fiton mirë atje. Mbaron bisedën telefonike dhe vijon me vajzën e vet në tavolinë. I tregon për luftën e klasave, për vrasjen e “reaksionarëve”, për “kapacitetin” e shokut Enver, për hidrocentralet, kënetat, shëndetësinë falas, etj. Pasi nuk ka ç’të thotë më, lexon gërmë për gërmë të vetmen gazetë që ka me vete. Tani në një kafe në Tiranë. I moshuari ka gjithë karakteristikat se është veteran i punëve të brendshme.
