Shtatori sjell gjithnjë programacion të pasur televiziv, i cili shoqërohet me lëvizje të gazetarëve nga një kanal në tjetrin.
Përpos lëvizjeve të zakonshme, largimi i Adi Krastës nga Top Channel duket se është lajmi më i bujshëm i këtyre ditëve.
Kjo jo vetëm për faktin se ai nuk do të jetë më pjesë e një programi apo televizioni, por sepse deklarohet se është zëvendesuar.
Gazetari Enkel Demi e cilëson të pazëvendësuseshëm kolegun e tij duke përdorur një krahasim nga bota e makinave.
Statusi i plotë i Enkel Demit
Mund të thuash që Adi Krastën e larguam (meqë rri si guralec në këpucë).
Mund të thuash që kontrata me të mbaroi.
Por, të thuash që Adin e zëvendësuam është si me thënë a ndërrojmë kokë më kokë një Lamborghini me Fiat Panda.
Krasta nuk ka gjasë të zëvendësohet. Nuk ia zë dot vendin. Do bësh një gjë krejt tjetër, madje shumë bukur, por pa lidhje me Adin. Me këtë shpreh gjithë respektin për ata që kanë guximin ta zëvendësojnë.
